在痛苦中追趕夢

由我既 channel一誕生，就已經係負評多到你唔信。高登連登，一晚可以開我10個post,個個post都20頁以上。而每一句既留言，都係人身攻擊。如果你地唔信，可以追尋返舊post，同埋係youtube睇返我m記試食條柒片。然而，我選擇盡量沉默，繼續做好自己。攝影師一直都同我講，要忍，網上既言論唔洗負責任，所以d人先會咁。
而我身邊既朋友，都好詫異，我可以忍完一之又一次，都冇放棄到，仲愈戰愈勇。
去到今日，多左人支持，亦都開始令人慢慢認識，雖然仍然係有大量既人身攻擊指向我，但我都學習左點免疫。

謝霆鋒，點解係我鐘意左差唔多20年既偶像，因為佢出道頭果4年，都係被人噓落台，但佢一直冇放棄到。直到依家，佢都係繼續唔理別人既攻擊，做自己喜歡既事情。我既堅持，喺係佢身上學習返黎既。佢既新歌，有火，除左係佢既心聲，亦都係我內心一直既呼喊!

或許一個人肥，唔靚，會影響到你對佢既第一印象，但如果你肯放低偏見，我相信你會係我身上，搵到點解有人支持我既地方。如果，只係一味針對人地既外表，其實只係顯示緊你睇人有幾膚淺。

#在痛苦中追趕夢 #越戰越勇 #有火#hatersgonnahate #面對haters的態度
#心聲 #bestrong #beyourself #堅持 #不放棄 #hk #謝霆鋒 #nic #霆鋒 #nicholas #新歌 #追生夢死 #夢死志生